Жыхароў і гасцей Навагрудка сустракала насычаная праграма. У гэты дзень плошча напоўнілася водарамі свежай выпечкі і гарачай гарбаты. Але перш чым прыступіць да пачастункаў, прагучалі цёплыя словы віншаванняў. Благачынны цэркваў Навагрудскай акругі Анатоль Герасімук павіншаваў усіх са святам Грамніц Гасподняй, а таксама нагадаў аб надыходзячым Вялікім пасце і важнасці прабачэння бліжніх. Старшыня раённага Савета дэпутатаў Святлана Каралько і намеснік старшыні райвыканкама Людміла Мароз падзякавалі Навагрудскаму благачынню за шматгадовае супрацоўніцтва і адзначылі, што сумеснае святкаванне Масленіцы стала сапраўдным сімвалам яднання.