У гісторыі чалавецтва ёсць падзеі, якія не цьмянеюць з часам, пра якія нельга забываць. 9 гадоў і 51 дзень выконвалі інтэрнацыянальны абавязак на Аўганскай зямлі тысячы савецкіх салдат і афіцэраў. Многія аддалі свае жыцці… Горыч страт не абмінула і Навагрудчыну. Аддаць даніну павагі нашым землякам-удзельнікам вайны ў Афганістане, ушанаваць памяць тых, хто не вярнуўся з поля бою, прыйшлі ветэраны афганскай вайны, іх родныя і блізкія, кіраўніцтва раёна, прадстаўнікі сілавых структур, грамадскіх аб'яднанняў, працоўных калектываў і ўстаноў адукацыі, жыхары Навагрудчыны.